Macam ni. Sewaktu menunggu di lapangan terbang, ada seorang lelaki yang sangat bergaya, dalam perbualan telefon dia berdatuk-datuk, berambut hitam dan bersikat rapi (macam pakai pomade) serta berkot, tiba-tiba menegur aku.

Kelik Klate ko?

Aku angguk jela. Senyum tanda ramah menyambut soalannya. Walaupun jelas dia dan aku satu kapal ke Kota Bharu 
Klate beloh mano?
Kito duk Pasir Hor.
Ohoo… Dale banda nah dio duk. Jale besar doh koknu.
Besa la mugo ore duk buat highway.
Doh bakpo duk KL? Kijo ko ngaji?
Kito khijo.
Duk mano sini?
Kito tok duk ssini. Kito duk Kmame. Sini mari khusus jah.
Khijo gapo…?
Kito cikgu…
Ohoo… Bakpo eh, budok-budok loni parok bbuli? Cikgu tok reti aja ko?
🤔🤔🤔🤔🤔🤔🤔
Panjang pulak kalau aku buat perbualan dengan pakcik tu. Dipendekkan cerita, dia tak puas hati kenapa cikgu tak ajar budak-budak bermoral. Perbualan ni memang lama dan panas. Rakan sebelah aku memang dah senyap. Terus zip mulut. Taknak amarah kot. Tapi aku ada sedikit berdesing mendengarnya. Aku cuba membalas.
Encik, cikgu-cikgu tok mampu nok tegur anak-anak loni. Sohke nak meronte. Cubit sikit pun, mok pok mari sere. Kami maroh, mari same slalu.
Maknonyo cikgu tok mampu jago pelajarlah loni? Cikgu, pelajar ni banyok duk prabih maso duk sskoloh. Ssitulah jugok pok dio banyok blaja. Tokke la cikgu tokleh aja pelajar? Anok saya keno te di skoloh, cikgu mampu buat gapo? Sayo aja anok sayo balah smula ko budok tu. Bdaroh habih muko budok tu. Hahaha… Cikgu? Cikgu lasung tokleh tulong anok sayo.
Korang nampak mainannya? Dia sibuk. Sepanjang anak membesar di rumah, di manakah dia selama itu? Sibuk dengan pangkat datuknya, kan. Boleh pulak dia mengajar anak melawan balik dengan sambung bergaduh keesokan hari. Sekolah atau rumah yang memberi pendidikan kasar begitu?
Gini encik. Pribadi anok maghi dari ghumoh blako. Skoloh ni, adolah pertemue peel dari semo ghumoh hok ada. Pokok pakal, pendidike asasnyo maghi dumoh masing-masing. Buoh nyiur, kalau capok, mano-mano bulih idup. Buke sebab tanohnyo. Tapi, dari sipat dio. Bakpo tok didik anok lagu tu? Kami ni gak abih aja doh supo dale silibus.
Dia diam….
You ado anak?
Ado. Jah 3.
Eleh… Kecik lagi. Buke tau hal budok besar.
Encik, kalu anok sayo 18 tahun raso tok munosaboh nga umur sayo ni…. Pah lagi, sayo ngaja budok besa. Buke skoloh rendoh. Tau bena pranga nawok budok loni. Takpolah, flight sapa doh. Kito lorat ni nok brebut tempat duduk. (Padahal nombor seat tak perlu direbut pun…. 
Cakap banyak tak guna. Duk cuba juga menegakkan benang yang basah. Susahlah bila jumpa orang yang terlebih tahu kerja orang lain. 
-Cikgu Nhazla-